Memoirs !!

Tu meri zindagi ki kitaab ka wo muda hua panna hai jisse aage ki kitab maine nahi padhi.
Tu mera aaj ka din hai jise maine jeeya hai aur usse aage kya hoga mujhe pata nahi
Pata nahi kyu tum mere dil ke maidaan me raaste dhundh rahe ho, kya nahi jaante ki tum pahle ho yahan ?
Kisi ke nishaan nahi milenge tumhe
Khud ke raaste banao,apne pyaar ke nishaan chodo,
Tum to ek kiran se ho....ek rang se..
Main paani ki boond
Mujhe chuoge to apne aap ke andekhe anjaane pahlu aur rang jaan jaoge
Tum ho wo mukaam jisse meri zindagi do hisso me bat gayi hai...
Ek wo jab tak tum se nahi mili thi....
Ek tumse milne ke baad .....
Tum to mera tajurba ho.....Jo sirf mera hai...Achhe ya bure me main tumko nahi baant sakti....
Tum bas ho.... Tumhara hona hi kafi hai....
Tum to mere liye paani se ho ....jiski talab koi aur nahi mita sakta....
Tum to bas tum ho....aur bas tumhi ho....jahan kahin b ho umeed hai jaisa sochti hu waise hi ho !!

Happy New Year :)

naye saal se umeed kuch aisi hai meri.....
purani neendon me naye khwaab mile mujhe...
aur naye khwaabon me mile wo mujhe poora karne wali baat
puraane chehro me ek nayi taazgi mile mujhe....
aur naye chehro me wo purana, jaana pehchana pyaar..
naye mod pe mile wo hamsafar jo jindagi bhar saath de...
aur nayi silwaton par wahi jaana pehchana mehboob....
naye shauk milen mujhe .....
aur naye shauk me wahi purana ehsaas-e- behtari....
nayi muhobbat bhi mile mujhe  har taraf se .....
aur mile kuch naya aur kuch  purana junoon....
naye waqt ke saath chalu main ....
aur mere saath chale wo purane haseen lamhe....aur kuch naye ache lamho ki umeed ...
dhundhu main wo jo mujhe kabhi mila nahi....
aur naya waqt leke aaye mere liye aisa kuch jaisa maine kabhi socha b nahi...
nayi mushkilen b hongi naye safar me....
naye andhere honge aas pass...nayi bhawnaon ke bhanwar bhi....
aur milenge naye honsle bhi..
kuch puraane dard b honge..kuch purani dawa b ....
kuch inqelabi b hoga aur kuch roj marrah bhi...
kuch nayi galtiyan b ham karenge...
kuch purani dohraenge bhi....
kuch sahi faisle b ham lenge ....
inhi sab se mil ke ban jaegi jindagi sahi bhi...
kuch naye dost bhi banenge jo har khushi ka hissa honge...
aur banenge kuch naye dushman bhi jo hamare har jashn me khud ko jala ke roshni karenge..
bahut kuch hoga socha samjha...
lekin jyada tadaad hogi itefaaqon ki ....
ek jindagi abhi "tumhari" hai...ek jindagi abhi "meri" hai...
aaega is naye waqt me ek din aisa  jab ek jindagi hogi "hamari" bhi...
:) 
happy new year ....:) 

confessions of a happy mind :)

About today i can say for sure that it was a nice day....
.went to a place which i like ...
bought 2 books....Ruskin Bond and Garcia :)   .
..saw paintings..
..talked to a dear friend about books...feeling ..and places..
..and roamed around in Delhi....
Sometimes I thank God because I can be happy with less....i mean roaming around and chatting with friends makes me happy...:) :) 
went to gym...I just love myself when i go to gym..its like the best thing i can do to myself after studying of course.... :) 


now somethings i want to say ...straight from the GUT and HEART :D 

I don't know why my friends ( even others sometimes) think that i am impatient or i rush into things....childish...and other similar adjectives they use....I just want to say that its my pace ....i mean i do not have a life time to explore one emotion or one person....i just have few moments....i make my decisions fast...so what if i am wrong sometimes....so what i am hurt...its ok...when i do such things i know what the worst case scenario's can be....
I don't want my heart to be a graveyard or even a waiting room....i just cant let emotions sit there for ever.....i have to find a outlet....so i think its better to vomit them out than to let them rot there in my heart....my feelings deserve a expression...
I  am not committing a sin by expressing my love...or my anger.... feelings change...people change....time acts very swiftly....
I am not ashamed of throwing fits for the things i want...i did that when i was a kid....there is a kid in me even now....ok i am childish sometimes....but just tell me how ur elderly-ness has helped u ? just tell me how u r better than i m.....U also had fun and u were also hurt.....same stands true for me....
I am just happy the way I am...and it can never mean that i do not want to improvise....but there is a way...a better way...teach me....be with me to tell me that no you should not touch the fire....i will learn....invest some time ...invest some better part of your life in me....we will be good....we will be there for each other for ever....

emotional exaggeration !! heavy dose :P

Jaane kyu wo lafz nahi milte jo tujhe bayan kare
Jaane kyu wo yaad nahi milti jo hansa de
Jaane kyu wo insaan nahi milta jo mujhme tha
Jaane kyu wo waqt nahi milta jo sahi tha
Jaane kyu koi sawal nahi milta teri jubaan se
Jaane kyu kabhi koi jawab meri kalam nahi likhti
Jaane kyu tu fir se wahi apna hai jo
paraye ki jarurat mehsoos karaega
Jaane kyu tu wahi shaks hai jo mujhe fir se tod jaega
Jaane ye kaisi narajgi h khud se
Jaane kab tak ye khushi ka bhula
ehsaas mujhe rulaega
Jaane kab ye suraj khud ko bujhaega
Jaane kab insaan apne aap ko sirf insaan samjhega
Jaane kab wo khuda  kisi khuda ki tarah sab acha kar dega !!!!

Soliloquy of Mr. Sento :P :)

Wo mera us shiddat se tujhe chahna
aur tera berukhi ki misaal ban jana !
Wo mera har baat pe tujhe sochna...
aur tera khayal me b mujhe tanha chhod jana !
Wo meri har ehsaas me tujhe mehsoos karne ki koshish..
aur wo tera har mulaqat pe pathar ho jana !
Yaad aata hai mera khud ko samjhana ki ek din tu mera ho jaega....
fir yaad aata hai tera mujhe samjhana ki main waqt ke sath tujhe b bhool jaunga !
Kitna masoom lagta tha meri tujhe khush rakhne ki har koshish ka 
tujhe ittefaaq lagna !
Wo tera har us cheej ko ahmiyat dena jo kabhi kisi ek ki nahi hoti...
aur wo mera sirf tera ho ke rahna !
Wo tera duniya me kisi apne ko dhundhne ki koshish..
aur wo mera tujh me apni duniya dhundhna..!
Wo meri tera har rang  dekhne ki chahat....
aur tera bas  ek ajnabi hona !
Wo meri bebasi ki main dil ka haal tujhe na suna pau...
aur tera mujhe shayar kahna !

Fitrat aur Waqt !!

Hoga kuch aisa bhi ki tera vazood badal jayega..
ateet se aise mat jud nahi to 
Tareekh ban jaega..!
Purane khandhar me khushi dhundhega to 
sapno ki imarate banane ka waqt nikal jaega..!
Dil ke ehsaas samander ke thahre paani se hain...
unhe mat choo....wo ehsaas machal jaega.!
Mat dekh usko is najar se...
ishq ho jaega...!
Har baar kisi anubhav ko dohraane me hi khushi nahi mil sakti..
nayepan ki umeed rakh ...usme hi jindagi ki bachi hui khushiyan payega..
Ye gam to andhera hai ...chahe kitna ghana..
muskurahaton ki roshni kar ..chala jaega..!
In sannaato se kaisa dar...
ek hansi ka faasla hai ye bhi tanha rah jaega..!
Zid mat kar kisi ek cheej ko paane ki..
 Tu koi chhota baccha nahi ki zid karne se sab  mil jaega..!
Wo insaan jispe  tu apni muhoobbat diye jaata hai 
gar uske dil ka pyala chota hua to chalak jaega !
Chhed wali kashti me sawaar hai is waqt
nahi taira to doob jaega !
Ummeed rakhni hai to khuda se rakh insaano se nahi
tere daaman me na samaye wo itni khushi de jaega !
Sach jaanna hai to gahrayi me utar
upar se dekhega to jhuth hi payega..!
"Kya hua aaj akela hai to...
kya hua tere apne b saath nahi to...
hujoom ka kya hai wo to janaaje pe b jut jaega !"
Kuch bure lamho ko yaad karke jindagi ko kosna theek nahi
waqt tera tujhse naraj ho jaega !
Chhod de ye sab insaani fitrate...
nikal pad us dagar pe jahan ho tu aisa
tera har raaj keetab aur 
tera kiya har kaam itihaas  ban jaega...!!